படப்பதிவுகள்

பலர் வெறும் படங்களை மட்டும் கொண்ட பதிவுகளை தமிழ்மணம் அரங்கில் சேர்க்க வேண்டுகிறார்கள். இது பல காரணங்களால் ஏற்றுக்கொள்ளப்பட இயலுவதில்லை. முக்கியமாக படங்களின் தலைப்பு தமிழில் இருக்கவேண்டும், படத்திற்கு ஒரு வரியாவது தமிழில் விளக்கம் இருக்கவேண்டும். இவை இல்லாதவற்றை எப்படி திரட்டி பட்டியலில் காட்டமுடியும்? எனவே நண்பர்கள் இதை உணர்ந்து மாற்றியமையுங்கள், அல்லது சேர்ப்பிக்க விண்ணப்பிக்காதீர்கள். நன்றி.

(இன்னொரு சுனாமி வரக்கூடாது என்று பிரார்த்திக்கும் அனைவரோடும் சேர்ந்துகொள்கிறேன்)

மென்னிதழ் சோதனைக்கு யார் தயார்?

பலரும் வலைப்பதிவுகளைப் படிப்பதில் கண்ட நுட்பச் சிக்கல்: எழுத்துரு. இயங்கு எழுத்துரு அமைப்பித்தால் ஓரளவுக்கு இது சரியாகலாம். ஆனாலும் எல்லாரும் செய்வதில்லை. செய்ய அறிவு, ஆர்வம், வசதி இல்லாமல் போக வாய்ப்பு இருக்கிறது.

இதற்கு ஒரு தீர்வாக ஒரு சோதனை முயற்சி:

இந்த ஆக்கத்தின் மேலே பார்த்தால் ஒரு பட்டையில் நீல வண்ணத்தில் ஒரு தொடுப்பு இருக்கும். pdf கோப்பாக செய்துகொள்ள இது உதவும். அதை வலது பொத்தானால் சொடுக்கி, save-as என்று கோப்பாக சேமித்துக்கொண்டால், தொடர்ந்து இணையத் தொடர்பில்லாதவர்கள், எழுத்துரு பிரச்னை உள்ளவர்கள் ஆகியோருக்கு வசதியாக சேமித்துக்கொள்ளலாம். உங்கள் நண்பர் உங்கள் வலைப்பதிவைப் படிக்காமல் டிமிக்கி கொடுக்கிறாரா, கவலையை விடுங்க, பிடிஎஃப் ஆக மின்ஞ்சல் அனுப்பிப் போட்டுத்தாக்குங்க.

இதற்கு தேவையான நிரல்துண்டு இங்கே: (ப்ளாக்கருக்கு மட்டும் இப்போதைக்கு):

<div style="font-size: 10pt;margin:5px; padding: 5px;border: 1px dashed #FF8;background-color:#FFA;">
Difficulty in reading this post due to font issues?
<a href="http://www.thamizmanam.com/kasi/pdf_url.php?url=<$BlogItemPermalinkURL$>"
target="_blank">Click here</a>
for a PDF copy. Works best if you right-click and select 'Save as'</div>

கவனிக்க:
சோதனையில் இருக்கிறது, எனவே நான் மீண்டும் கேட்கும்போது மாற்றத்தயாராக இருப்பவர்கள் சரியாக இயங்காவிட்டால் எரிச்சலடையாதவர்கள் மட்டும், இப்போதைக்குப் பயனபடுத்துங்கள்.

என்சாய் :-}

அன்புடன்,
-காசி

போலீஸ் வேலை

தமிழ்மணம் தளத்தின் சேவை தமிழில் எழுதப்படும் வலைப்பதிவுகளுக்கே என்பது வெளிப்படையான ஒன்று. ஒரு பதிவைப் பட்டியலில் சேர்க்கும்போதே 'அது தமிழில் எழுதப்பட்டுவரும் ஒன்றுதானா?' என்று பார்க்கப்படுகிறது. முழுக்க ஆங்கிலத்தில் எழுதப்பட்ட சில பதிவுகள் ஏற்றுக்கொள்ளப்படாமல் விடப்பட்டிருக்கின்றன. சிலர் ஆங்கிலத்திலும் தமிழிலும் மாறி மாறி எழுதுவதும் உண்டு. அவர்களை ஒரேயடியாக விலக்கிவைப்பதில்லை. ஆனாலும் முழுக்க முழுக்க ஆங்கிலத்தில் எழுதப்பட்ட ஆக்கங்களை(posts) அவ்வப்போது தமிழ்மணம் தளத்திலிருந்து மறைத்து வைக்கிறோம். இந்த அதிகாரம் தற்போது தமிழ்மணம் தளத்தின் ஆலோசனைக்குழு உறுப்பினர்களும், நிர்வாகிகளுக்குமாக 8 பேரிடம் இருக்கிறது. தானியங்கியாதலால் தளத்தில் விரும்பத்தகாத (உ.ம்.: ஆபாசமான) ஆக்கங்கள் காட்டப்படுவதை முற்றிலும் தவிர்க்க முடியாதானாலும், எட்டுப் பேரில் யார்கண்ணில் பட்டாலும் அவர்கள் உடனேயே அந்த சர்ச்சைக்குரிய ஆக்கத்தை நீக்கலாம். இதுவரை இப்படித்தான் நடந்து வருகிறது.

இதே வசதியால்,

• தவறிப்போய் தஸ்கி(TSCII)யில் வந்துவிட்டவை,
  
• எதிர்பாராமல் இரண்டாம் முறை வந்துவிட்டவை,
  
• ப்ளாக்கர்.காம் சொதப்பியதால் குழறியவை

போன்றவையும் நீக்கப்பட்டுவிடுகின்றன.

சிவப்பு வண்ணத்தில் 'நீக்கக் கோரிக்கை' விடுக்கும் பொத்தான் ஏற்பாட்டின்படி யாராவது வேண்டினாலும் அது இயன்றவிரைவில் பார்வையிடப்பட்டு தேவையானால் இம்முறையிலேயே நீக்கப்படுகிறது. தனியாக மின்னஞ்சல் வழியாகக் கோரிக்கை விடுப்பவர்கள் abuse@thamizmanam.com என்ற முகவரிக்கும் எழுதலாம்.

இந்த முறையிலேயே முழுக்க முழுக்க ஆங்கிலத்தில் எழுதப்பட்டு, தமிழ் சூழலுக்கோ சமூகத்துக்கோ சற்றும் சம்பந்தமில்லாத ஆக்கங்களும் நீக்கப்பட்டு வருகின்றன. இந்தக் கூடுதல் பணியை செய்து உதவும் நண்பர்கள் செல்வராஜுக்கும் மதி கந்தசாமிக்கும் நன்றி சொல்ல இந்த வாய்ப்பைப் பயன்படுத்திக்கொள்கிறேன்.

கடந்த சில நாட்களில் இத்தகைய ஆங்கில ஆக்கங்கள் அடிக்கடி வருவதால், இந்த வேலையை மெனக்கெட்டு கண்காணிப்பதைவிட அதையும் தானியங்கியால் செய்ய முயற்சி செய்திருக்கிறேன். இதன்படி குறிப்பிட்ட அளவுக்கு மேல் ஆங்கிலப் பகுதியைக் கொண்டிருக்கும் ஆக்கங்கள் தானாகவே மறைக்கப்பட்டுவிடும். இது சோதனைமுறையில் இயங்க ஆரம்பித்துள்ளது. ஆகவே தவறுதலாக மறைக்கவேண்டாததை மறைத்துவிடவும் வாய்ப்புள்ளது. எனவே அப்படி எதையாவது வலைப்பதிவர்கள் கண்டால் என் கவனத்துக்குக் கொண்டு வர வேண்டுகிறேன்.

இந்த ஏற்பாட்டின் அவசியத்தை உணர்ந்து ஒத்துழைக்க வேண்டுகிறேன்.

அன்புடன்,
-காசி

*The* List

இன்னும் தமிழ்மணம் தொடுப்பு இல்லாத வலைப்பதிவுகள்.

1. http://ajeevan.blogspot.com
2. http://alexpandian.blogspot.com
3. http://arruvi.blogspot.com
4. http://balamuruganvazha.blogspot.com
5. http://childrenworld.blogspot.com
6. http://chudar.blogspot.com
7. -Done-
8. http://eelam-tsunami.blogspot.com
9. http://egalaivan.blogspot.com
10. http://ellalan.blogspot.com
11. http://ennam.blogspot.com
12. http://ennnangalsudha.blogspot.com
13. http://espradeep.blogspot.com
14. http://forindia.blogspot.com
15. -Done-
16. -Done-
17. -Done-
18. http://jaggubhai.blogspot.com
19. http://jyothiramalingam.yarl.net
20. http://kaanbadhuve.blogspot.com
21. -Done-
22. http://kangeyan.blogspot.com
23. http://kanitham.blogspot.com
24. http://karthikramas.blogspot.com
25. http://karunah.blogspot.com
26. http://kathala.blogspot.com
27. http://kathavu.blogspot.com
28. http://kavinesh.blogspot.com
29. http://kavithaikkal.blogspot.com
30. -Done-
31. http://ksrajah.blogdrive.com
32. -Done-
33. http://kulanthaikal.blogspot.com
34. http://kurumpoo.yarl.net
35. http://kuzhali.blogspot.com
36. http://laadlabakdas.blogspot.com
37. http://linux.navakrish.com
38. http://magarantham.blogspot.com
39. -Done-
40. http://manitham.blogspot.com
41. -Done-
42. http://maruththuvam.yarl.net
43. http://mugavari.blogspot.com
44. http://mugunth.tamilblogs.com
45. -Done-
46. http://murali.blog-city.com
47. http://murugapoopathi.weblogs.us
48. http://muthuraman.blogspot.com
49. http://neengalkettavai.blogspot.com
50. http://nganesan.blogspot.com
51. http://nilamuttam.yarl.net
52. http://odai.blogspot.com
53. http://padaippu.blogspot.com
54. http://padippakam.blogspot.com
55. http://pakutharivu.blogspot.com
56. http://pallavar.blogspot.com
57. http://paranee.yarl.net
58. http://pavithra.blogdrive.com
59. http://peacenesan.blogspot.com
60. -Done-
61. http://photo-view.blogspot.com
62. http://pkiqbal.blogspot.com
63. http://pkp.blogspot.com
64. http://raajtamil.tamilblogs.com
65. -Done-
66. http://rajiniraja.blogspot.com
67. -Done-
68. http://ramkoks.blogspot.com
69. http://rsiva.blogspot.com
70. http://Seemachu.blogspot.com
71. http://sellinam.blogspot.com
72. http://shanmuhi.yarl.net
73. http://sodabottle.blogspot.com
74. http://somee.blogspot.com
75. http://soundar.blogsome.com
76. http://subahome.blogspot.com
77. http://suuvvai.blogspot.com
78. http://suvadu.yarl.net
79. http://tamil.blog-city.com
80. http://tamilblog.info
81. http://tamilblues.blogspot.com
82. http://tamildalitliterature.blogspot.com
83. http://tamildubukku.blogspot.com
84. http://tamil-kutti-kathaikal.blogspot.com
85. http://tamilpoems.blogspot.com
86. http://tamilvayal.blogspot.com
87. http://thamilsangamam.blogspot.com
88. http://thileepan.blogspot.com
89. -Done-
90. http://thonee.blogspot.com
91. http://thozhan.blog-city.com
92. http://throughmylookingglasses.blogspot.com
93. http://thumbai.blogspot.com
94. http://thural.blogspot.com
95. http://tmsoundararajan.blogdrive.com
96. http://ullal.blogspot.com
97. http://unarvugal.blogspot.com
98. http://vaanthi.blogspot.com
99. http://valavu.blogspot.com
100. http://velicham.blogspot.com
101. http://venba-log.blogspot.com
102. http://vijayanagar.blogspot.com
103. http://vimarsanam.blogspot.com
104. http://writerpara.tamiloviam.com
105. http://www.achimakan.blogspot.com
106. http://www.anathai.blogspot.com
107. http://www.kanaa.blogspot.com
108. http://www.livejournal.com/~vassan
109. http://www.mutram.blogspot.com
110. http://www.nizhalkal.blogspot.com
111. http://www.nuul.blogspot.com
112. http://www.pandianr.blogspot.com
113. http://www.parattai.blogspot.com
114. http://www.peyarili.blogdrive.com
115. http://www.sembulam.blogspot.com
116. -Done-
117. http://www.shockwave-india.com/tamil/blog
118. http://www.singai_ismail.blogspot.com
119. http://www.sudesamithiran.blogspot.com
120. http://www.thamizhmozhi.blogspot.com
121. http://www.uthavi.de
122. http://www.valipokkan.blogspot.com
123. http://www.yunaa.blogspot.com
124. http://yazhkavi.blogspot.com
125. http://yazhsuthakar.blogdrive.com
126. http://yazhsuthakar.blogspot.com
127. http://yemkaykumar.blogspot.com

குறிப்பு:
1. தானாக நிரல் பொறுக்கிய பட்டியல், எனவே பிழை இருந்தால் சொல்லலாம்.
2. படம் மட்டுமே தேடியது. எனவே உரை(text)மூலம் சுட்டி அமைத்திருந்தாலும் இதில் வரும்.
3. செய்துவிட்டு இங்கே ஒரு மறுமொழி போட்டால் இந்தப் பட்டியலிலிருந்து சுவடே தெரியாமல் நீக்கிவிடுவேன்;-)

தொட்டால் பூ மலரும்...

வலையிலே பூத்த மலர்கள் மணம் பரப்ப நாம் ஒரு கூட்டமைப்பாக இயங்குகிறோம். இந்தக் கூட்டுக் குடும்பத்துக்கு நாம் செய்ய வேண்டிய பங்களிப்பும் ஒன்று இருக்கிறது. அதுதான் நம் தளத்துக்கு வரும் வாசகர்களை மற்ற வலைப்பதிவுகளுக்கும் செல்ல அழைப்பு விடுப்பது. பொதுவாக இடது/வலது பக்கத்தில் இதற்கென தொடுப்புகள் (Links) என்று ஒரு பகுதி இருக்கும். அங்கே வலைப்பதிவு சேவை/மென்கலன் அளிக்கும் நிறுவனங்களின் படக்குறியீட்டுடன் அமைந்த சுட்டிகள் கொடுக்கப்பட்டிருக்கும். உதாரணமாக 'I Power Blogger' , 'Comments by Haloscan', 'BlogCMS' போன்றவை.

இன்று நூற்றுக்கணக்கில் வலைப்பதிவுகள் வந்துவிட்ட நிலையில் பொறுக்கியெடுத்து சிலவற்றுக்கு மட்டும் தொடுப்புக் கொடுப்பது சாத்தியமில்லாமல் போகலாம். ஆனால் நம் கூட்டமைப்பின் மையத் தளமான தமிழ்மணம் தளத்துக்குத் தொடுப்புக் கொடுப்பது நமக்கு இயலாமல் போகுமோ?

ஆமாம் என்கிறார்கள் மூன்றில் ஒரு பங்கு வலைப்பதிவர்கள்!

மொத்தம் உள்ள 400+ பதிவுகளில் பல நடப்பில் இல்லாமல் இருக்கலாம். ஆனாலும் இன்னும் 100க்கும் மேற்பட்ட வலைப்பதிவுகளில் தமிழ்மணத்துக்குத் தொடுப்பு இல்லை என்பது நாம் எவ்வளவு தூரம் ஒருவருக்கொருவர் கொடுத்து/வாங்கும் அனுசரணையுடன் இருக்கிறோம் என்பதைக் காட்டுகிறது.

மேலும், தொடுப்புக் கொடுத்த சிலரும் எங்கேயோ ஒரு ஒரமாக சிலர் கீழ்க் கோடியில், இடது மூலையில் கூடப் போட்டிருக்கிறார்கள். கண்ணில் எண்ணெய் விட்டுத் தேடினால்தான் அது தெரியும். விருப்பமில்லாமல் அப்படிப் போட்டிருந்தால் எடுத்துவிடலாம். போடாவிட்டாலும் எதுவும் தவறில்லை. ஆனால் மறந்து போய் விட்டுவிட்டவர்களுக்கு நினைவூட்டவே இந்த வேண்டுகோள்.

1. முடிந்த வரை தமிழ்மணம் தளத்தில் கொடுக்கப்பட்டுள்ள நிரல் துண்டை பாவியுங்கள்.
2. 'படம் வழியாக எந்தத் தொடுப்புமே கொடுப்பதில்லை' என்ற கொள்கை வைத்திருந்தால் தவறில்லை. அல்லாத போது, தயவுசெய்து தமிழ்மணம் அளிக்கும் படம் வழியாகவே கொடுங்கள்.
3. படத்தை வண்ணம் மாற்றுவது, அளவு மாற்றுவது, என்று சிதைக்காதீர்கள்.
4. தனியான ஆக்கங்களுக்கான பக்கங்களிலும் (post pages) தமிழ்மணம் படத்துடன் கூடிய தொடுப்பு, சரியான இடத்தில் இருக்குமாறு செய்யுங்கள்.

இதுவும் ஒரு நன்கொடைதான். உங்கள் சக வலைப்பதிவர்க்கு. வாசகர் பலரும் ஒரு வலைப்பதிவுக்கு தமிழ்மணம் தவிர்த்த பிற வழிகளிலும் வருவார்கள், அவர்கள் மற்ற பதிவுகள் பற்றியும் அறிந்துகொள்ள இதுவே ஒரே வழி. அந்தத் தொடுப்பைத் தொட்டாலே மேலும் பல பூ மலரும். (அப்பாடா, தமிழ்ப் படம் போல டைட்டிலுக்கு விளக்கம் கொடுத்தாச்சு:-D)

புதிய மாற்றங்கள் - சில விளக்கங்கள்

தமிழ்மணம் தளத்தில் சென்ற வாரத்தில் ஒரு முக்கியமான மாற்றம் நிகழ்ந்தது. அதன் ஒரு மிக வெளிப்படையான அம்சம், 'உள்ளங்கையில் உலகம்' என்ற அடைமொழியோடு இருக்கும் இலகுவான முகப்புப்பக்கம். முதலில் இதன் சாதகங்களைப் பார்ப்போம், பிறகு பாதகங்களுக்கு வரலாம்.

1. மிகவும் இலகுவானது, டயல்-அப் இணைப்பிலேயே இறங்குவதற்கு 10 நொடிக்கு மேல் ஆகாது. எனவே வழங்கிக்கும், வாங்கிக்கும் (வழங்குபவருக்கும் வாங்குபவருக்கும் என்றும் கொள்ளலாம்;-)) பளு குறைகிறது.
2. ஒருமுறை இறங்கியதுமே ஐந்து முக்கியப் பகுதிகளையும் கொண்டிருக்கும்.
   
   முகப்பில் தெரியும் இவை அனைத்துமே, சொடுக்குப் போட்டதும் காட்டப்படும். வழமையான தமிழ்மணம் தளத்தின் அடுக்குகள் சொடுக்கின பின்னரே பதிவிறக்கம் செய்யப்பட்டுக் காட்டப்படுவதை நினைவில் கொள்ளலாம்.
3. தானாக 20 நிமிடத்துக்கு ஒருமுறை புதுப்பித்துக்கொள்ளும். சில இணைய சூழல்களில் இது நடவாமற்போகலாம். அதற்குக் காரணங்கள் வேறு.

சரி, இதன் பாதகங்கள் (அல்லது பாதகங்களாக பல நண்பர்கள் ஐயுறுவன)?

அதற்குமுன் ஐயுறுபவர்கள் எல்லாரும் இந்த ஐந்து பகுதியிலும் கடைசி வரை கீழே வந்து பார்த்துவிட்டார்களா என்று உறுதிப்படுத்திக்கொள்ள வேண்டுகிறேன்.

அப்படி வந்திருந்தால் காணப்படக்கூடிய தொடுப்புகள்:




ஒவ்வொரு பக்கத்திலிருந்தும் தொடர்புடைய வழமையான மற்றும் முழுமையான பக்கங்களுக்குப் போகத் தொடுப்பு கொடுக்கப்பட்டுள்ளதன் நோக்கமே இதுவரை இருந்துவந்த எந்த வசதியும் விடுபட்டுவிடக்கூடாதென்பதே.

அப்படியானால் எதற்கு இந்தப் புதிய பக்கம்?

ஒரு நாளில் தமிழ்மணம் வழங்கியின் போக்குவரத்தில் ஒரு பெரும் பகுதி வாசகர் பக்கத்தை 20 நிமிடத்துக்கு ஒருமுறை 'போட்டுத்தாக்கு'பவர்களால் நடப்பது. அங்குள்ள தகவல்களில் இவர்கள் சென்ற முறை பார்த்தற்கும் இந்த முறை பார்த்ததற்கும் இடையே மாறியவை ஒரு 5 சதவீதம் கூட இருக்காது. ஆனாலும் வழங்கிக்கும், தரவுத்தளத்துக்கும் வீண் பளு இந்த ஆர்வலர்களால் நேருகிறது. இதைக் குறைக்கவே இந்த இடைமுகம்.

ஒருநாளைக்கு ஒருமுறையோ, இருமுறையோ, அல்லது சில நாட்களுக்கு ஒருமுறையோ தமிழ்மணம் தளத்துக்கு உலா வரும் எந்த வாசகருக்கும், இதனால் எந்த இழப்பும் இல்லை. மேலும் தேதிவாரியாக, இன்று உள்பட கடந்த ஒரு மாதத்தில் எழுதப்பட்டவற்றை வாசிக்கவும் புதிய வசதி ஏற்படுத்தப்பட்டுள்ளது. (இது இன்னும் முழுமையாக செய்து முடிக்கப்படவில்லை, எனவே சில குறைகள் உள்ளன என்பதை அறிவேன்)

முழுத் தளத்தின் கட்டமைப்பும் தொடர்ந்து மேம்படுத்தப்பட்டே வரும். இந்தச் சுற்று மாற்றங்கள் சற்று வீச்சு அதிகம் உள்ளவை எனவே தாக்கம் அதிகமாக இருக்கிறது. மாற்றங்கள் நியதியாகிப்போன காலத்திலே வாழ்ந்துகொண்டிருக்கிறோம் நண்பர்களே. மாற்றத்தால் வசதிக்குறைவு இல்லாமல், செய்நேர்த்தி, சிக்கனம், மேம்பட்ட சேவை கிடைத்தால் அதை எல்லாரும் ஏற்றுக்கொள்ளத்தானே செய்வோம். என்ன சொல்கிறீர்கள்?

இன்னும் பல செய்திகள் இருக்கின்றன. மேலும் வருவேன்.

மேலே சொன்னவற்றில் கேள்விகள் இருப்பின் மறுமொழியில் எழுதுங்கள், கூடிய அளவில் என்னால் சொல்ல முடிந்ததை சொல்கிறேன்.

இந்த வலைப்பதிவின் நோக்கம்

அனைவருக்கும் வணக்கம்.

இந்த வலைப்பதிவு எதற்கு?

1. தமிழ்மணம் வலைவாசலும், வலைப்பதிவர் மன்றமும், என் சொந்த வலைப்பதிவும் ஒரே வழங்கி(server)யிலிருந்து இயங்குகின்றன. இப்போதைக்கு தமிழ்வலைப்பதிவுகளுக்கான முக்கிய வாசலாக தமிழ்மணம் இருக்கிறது. ஏதாவது காரணத்தால் தமிழ்மணம்.காம் இயங்குவது தடைப்பட்டால் வலைப்பதிவுகள் வாசிப்பதற்கு தடங்கல் வர வாய்ப்புள்ளது. தளத்தின் நிலவரத்தைப் பகிர்ந்துகொள்ளவும், மாற்று ஏற்பாடுகள் பற்றி அறிவிக்கவும், வேறு இடத்திலிருந்து இயங்கும் இந்த வலைப்பதிவு பயனாகும்.


2. நான் தமிழ் வலைப்பதிவர்களுக்குப் பொதுவாக வெளியிட விரும்பும் செய்திகளை என் சொந்த வலைப்பதிவிலிருந்து பிரித்து வைக்க இது உதவும்.


3. 80% பேருக்கு மேல் பாவிக்கும் ப்ளாக்கர் சேவை இயங்கும் விதத்தை நானும் புரிந்துகொள்ளவும், ஒத்தியங்கவேண்டிய மேலதிக சேவைகள் அளிக்கும்போது சோதனைகளுக்கும் எனக்கும் ஒரு (நடப்பிலிருக்கும்) ப்ளாக்கர் வலைப்பதிவு தேவைப்படுகிறது. அதுவும் இதன் பயன்.

200வது நாளை எதிர்நோக்கியுள்ள தமிழ்மணம் பட்டியலில் 400வது வலைப்பதிவாக இணைந்துகொள்வதில் மிகுந்த மகிழ்ச்சி கொள்கிறேன்.

அன்புடன்,
-காசி

Server came up again

The server came up again by around 4:45 PM on 16th Feb 2005. There was a little longer than an hour's break in service. This has been the longest known break since the launch of thamizmaNam.com. Thanks for your cooperation
-Kasi